7 ოქტომბერს, სასტუმრო ბილტმორში, საგზაო უსაფრთხოების კონფერენცია გაიმართა, რომლის ერთ-ერთი სპონსორი „ჯიპიაი ჰოლდინგი“ იყო. ღონისძიებაზე საქართველოში საგზაო უსაფრთხოების დაცულობის კუთხით არსებულ გამოწვევებზე და მათი გადაჭრის გზებზე ისაუბრეს. გაჟღერდა ახალი ინიციატივები. რომელიც ამ მიმართულებით ქვეყანაში არსებულ ვითარების გაუმჯობესებას შეუწყობს ხელს.
„ჯიპიაი ჰოლდინგის“ ბაზარზე განვითარების დირექტორის მოადგილემ, კოკა მანჯგალაძემ, საგზაო უსაფრთხოებაში სადაზღვევო კომპანიების როლზე ისაუბრა, და აღნიშნა, რომ დაზღვევა გზებზე უსაფრთხოების დაცვის ერთ-ერთი უმნიშვნელოვანესი ელემენტია. განსაკუთრებით გამოყო, მესამე პირის პასუხისმგებლობის დაზღვევა, რომელსაც ყველა განვითარებულ ქვეყანაში სავალდებულო ხასიათი აქვს და ერთ-ერთ მთავარ როლს ასრულებს სატრანსპორტო ეკოსისტემის მდგრადობის შენარჩუნებაში.
ღონისძიების ორგანიზატორი, საქართველოს სატრანსპორტო ასოციაცია იყო. კონფერენციას სახელმწიფო სტრუქტურების წარმომადგენლები, კერძო ბიზნეს კომპანიები და არასამთავრობო ორგანიზაციები ესწრებოდნენ.
