რატომ უნდა ავიცრა?
გრიპი (influenza) პოტენციურად საკმაოდ სახიფათო დაავადებაა. ყოველწლიურად გრიპით მილიონობით ადამიანი ავადდება. ასეულ ათასობით საავადმყოფოში ხვდება, ათასობით კი იღუპება. გრიპის საწინააღმდეგო ვაქცინაცია მნიშვნელოვნად ამცირებს გრიპით დაავადების რისკს, გრიპის გამო საავადმყოფოში მოხვედრის და გრიპით გამოწვეული სიკვდილის შემთხვევებს.
წელს გრიპის ვაქცინით აცრა კიდევ უფრო მნიშვნელოვანია, რათა თავიდან ავიცილოთ ე.წ. ტვინდემია - გრიპითა და კორონა ვირუსით ერთდროულად დაინფიცირება. რაც მკვეთრად გაზრდით ჰოსპიტალიზაციის და მძიმედ დაავადების რისკს.
როდის შემოდის ვაქცინა ?
სეზონური გრიპის საწინააღმდეგო ვაქცინა საუკეთესო საშუალებაა გრიპისაგან თავის დასაცავად. ჯიპიაის დაზღვეულებისთვის, ვაქცინები კლინიკა კურაციოში ხელმისაწვდომი იქნება ნოემბრის ბოლოს.
ვინ უნდა აიცრას?
გრიპით ვაქინაცია ყველასთვისაა რეკომენდებული, დაავადებათა კონტროლის ცენტრის სპეციალისტები მიიჩნევენ, რომ აუცილებლად უნდა აიცრან მაღალი რისკის ჯგუფში შემავალმა ადამიანებმა.
ასეთი ჯგუფებია:
ბავშვები, რომლებსაც უკვე შეუსრულდათ 3 წელ ი;
• ასაკოვანი ადამიანები 65 წლიდან;
ორსულები,
სამედიცინო დაწესებულებების პერსონალი;
სხვადასხვა ქრონიკული დაავადების მქონე ადამიანები: ( დიაბეტით, ასთმით დაავადებულები, გულის, ფილტვების, ნერვული სისტემის, თირკმელების, ღვიძლის და სხვა ორგანოების ქრონიკული დაავადებების მქონენი);
ადამიანები, რომლებიც ცხოვრობენ ან აქვთ კონტაქტი ზემოთჩამოთვლილ რისკ-ჯგუფებთან (მაგალითად, ჩვილის მშობლები ან ასთმით დაავადებული ადამიანის ოჯახის წევრები).
რა ღირს ვაქცინა?
ვაქცინის სავარაუდო ღირებულება იქნება 100 ლარი.
კოვიდის გადატანიდან რამდენ ხანში შეიძლება გაკეთდეს გრიპის ვაქცინა?
კოვიდის გადატანიდან 2 კვირის შემდეგ შეგიძლიათ თავისუფლად აიცრათ გრიპის საწინააღმდეგო ვაქცინით.
კოვიდის ვაქცინის გაკეთებიდან რა ვადაში შეიძლება გაკეთდეს სეზონური გრიპის ვაქცინა?
კოვიდის და გრიპის საწინააღმდეგო ვაქცინები ერთმანეთს ხელს არ უშლის. ერთსა და იმავე პერიოდში შეგიძლიათ ორივე ვაქცინით აცრა.
გრიპის აცრა წელს განსაკუთრებით მნიშვნელოვანია, რადგან იგი ქვეყანაში სეზონური გრიპის ტვირთს შეამცირებს და გართულებული პაციენტების და კორონავირუსის ინფიცირების ერთმანეთზე ზედდება არ მოხდება.
რომელი წლიდან შეიძლება აცრა?
სეზონური გრიპის ვაქცინა საქართველოში კეთდება 3 წლიდან.
რამდენი აცრის გაკეთებაა საჭირო სრული ვაქცინირებისთვის?
სეზონური გრიპის საწინააღმდეგოდ მხოლოდ ერთი აცრის გაკეთებაა საჭირო. გამონაკლისია პატარა ბავშვები . 9 წლამდე ბავშვი, თუ გრიპზე იცრება პირველად, აცრიდან 1 თვის თავზე სჭირდება რევაქცინაცია.
როდის არ შეიძლება ვაქცინის გაკეთება?
ვაქცინაცია არ არის მიზანშეწონილი მწვავე ვირუსული დაავადების მიმდინარეობის ან რესპირატორული ნიშნების არსებობის დროს. თუ გაწუხებთ ცხელება, სურდო, ყელის ტკივილი ან რაიმე სხვა რესპირატორული ნიშანი, ასეთ პერიოდში ვაქცინის გაკეთება არ შეიძლება.
როგორ დავრეგისტრირდე ვაქცინაზე?
გრიპის ვაქცინა კლინიკა კურაციოში ხელმისაწვდომი იქნება ნოემბრის ბოლოს. ინფორმაცია ვაქცინაზე დარეგისტრირების შესახებ გავცრელდება ნოემბრის ბოლოს.
რამდენ კომპონენტიანია არსებული ვაქცინა?
კლინიკა „კურაციოში“ ხელმისაწვდომი იქნება ვაქსიგრიპის ოთხკომპონენტიანი ვაქცინა, რომელიც დამზადებულია საფრანგეთში. ვაქცინა მოიცავს მოიცავს A გრიპის ორ ტიპს – H1N1 და H3N2 და ასევე B გრიპის ერთ ტიპს – B/Colorado/06/2017); და B გრიპის კიდევ ერთი ტიპი B/Phuket/3073/2013.
